Moto kuryerin çantasına yazdığı “fəlsəfi” cümlə tənqid edildi - VİDEO

Paytaxtın mərkəzi küçələrindən birində motokuryerin xidməti çantasının üzərinə yazdığı cümlə gözdən yayınmayıb.

Avtosfer.az xəbər verir ki, şəhərin Səbail rayonunda çəkildiyi deyilən görüntülərdə xanım sürücü işıqforda olarkən moto kuryerin çantasındakı yazını telefonu ilə çəkib.

Çantanın üzərindəki yazı mənalı olsa da, qeyri-etik olduğu üçün videonu redaktə etməli olduq. Elə buna görə də sosial şəbəkələrdə yayılan görüntülər istifadəçilər tərəfindən birmənalı qarşılanmayıb. Mütəxəssislər də hesab edir ki, avtomobillərin arxa şüşələrinə, həmçinin, banın üzərinə, eləcə də digər nəqliyyat vasitələrinə belə yazıların vurulması sürücülərin diqqətinin yayınmasına və sonda qəzalara gətirib çıxarır.

Üstəlik, bu cür qeyri-etik ifadələrin şəhər küçələrində ictimaiyyətə açıq şəkildə nümayişi də elə ictimai asayişin pozulması kimi başa düşülə bilər.

Səfər