Müğənni Zakir Əliyev Naxçıvanda bıçaqlanıb? - AÇIQLAMA

Dünən gecə saatlarında Naxçıvan Muxtar Respublikasının Babək rayonunda bıçaqlanma hadisəsi qeydə alınıb. Avtosfer.az xəbər verir ki, hadisəni törətməkdə şübhəli bilinən Süsaməddin Tağıyev adlı şəxs Zakir Əliyevi boğaz nahiyəsindən bıçaqlayaraq xəsarət yetirib. Zakir Əliyev xəstəxanaya çatdırılıb. Verilən məlumata görə, onun vəziyyəti ağırdır.

Sosial şəbəkələrdə yayılan şayiələrə görə, bıçaqlanan şəxsin Əməkdar artist, müğənni Zakir Əliyevin olduğu iddia olunur. Az öncə müğənniyə telefon zəngi edərək özündən açıqlama aldıq. Zakir Əliyev bildirdi ki, yayılan məlumatdakı şəxs o deyil: "Bıçaqlanan Zakir Əliyev mən deyiləm. Sadəcə ad soyad təsadüfdən üst-üstə düşüb. Mən bıçaqlanmamışam, sağ-salamatam".

Fərid