Naməlum şəxs 20 sərnişinin olduğu avtobusu girov götürüb - FOTO

Ukraynanın Luçka şəhərində naməlum şəxs içərisində 20 sərnişin olan avtobusu girov götürüb. Avtosfer.az “Korrespondent”ə istinadən xəbər verir ki, cinayətkar üzərində partlayıcı olduğunu iddia edib.

O, şəhərdə daha bir sərnişinlər olan avtobusun girov götürüldüyünü söyləyib.

Avtobusun pəncərələrindən birinin şüşəsi sındırılıb, arada atış səsləri də eşidilir.

Yerli polis, hadisənin təlim olmadığını bildirib.

Hazırda cinayətkarın şəxsiyyəti müəyyənləşdirilir.

Polis həmin şəxslə danışıqlar aparır.

Namiq Musayev