Nazirlikdə kadr dəyişikliyi - Polkovnik Qocayev getdi

Ədliyyə Nazirliyində kadr dəyişikliyi olub. Avtosfer.az-ın məlumatına görə, bu barədə müvafiq əmri Ədliyyə naziri Fikrət Məmmədov imzalayıb.

Əmrə əsasən, nazirliyin Gəncə Regional İdarəsinin rəisi, polkovnik Nizami Qocayev xidmətdə olmanın son yaş həddi ilə əlaqədar təqaüdə göndərilib.

O, dörd il ədliyyə sistemində çalışıb. N.Qocayev ondan əvvəl Daxili İşlər Nazirliyinin İstintaq İdarəsinin rəisi olub.