Novruz sürprizi: Avtobuslar pulsuz olacaq

Türkiyənin bəzi rayonlarında Novruz bayramı ilə əlaqədar vətəndaşlara sürpriz edilib. Avtosfer.az-ın anspress-ə istinadən məlumatına görə, Van Böyükşəhər Bələdiyyəsinin avtobusları şəhərdə sabah qeyd olunacaq Novruz Bayramı səbəbiylə əlaqədar xalqa pulsuz xidmət göstərəcək. Bələdiyyədən verilən məlumata görə, Novruz Bayramı tədbirlərinə qatılmaq istəyənlərin daha rahat mənzil başına çatması üçün 32 avtobus pulsuz fəaliyyət göstərəcək.  "Avtobuslar sabahın erkən saatlarından şəhərin bütün nöqtələrindən səfərlərə başlayacaq. Nəqliyyat vasitələri vətəndaşları məhəllələrdən mərkəzə daşıyacaq. Bayram tədbiri bitdikdən sonra isə vətəndaşlar geri evlərinə daşınacaq", - deyə Van Bələdiyyəsindən bildirilib.