Nyu-Yorkda son sutkada koronavirusdan ölənlərin sayı 700 nəfəri ötüb

“Nyu-York ştatında son sutkada koronavirusdan ölənlərin sayı rekord həddə çataraq 779 nəfər olub”. Avtosfer.az-ın APA-ya istinadən verdiyi xəbərə görə, bu barədə ştatın qubernatoru Endryu Kumo mətbuat konfransında bildirib. O qeyd edib ki, Nyu-York ştatı ABŞ-da koronavirus epidemiyasının episentridir: "Ölənlərin sayı artır. Ötən gün 799 nəfər itirdik. Onların sayının artacağı istisna edilmir".

Qubernator koronavirusla bağlı müsbət göstəricilərin də müşahidə edildiyini vurğulayıb:  “Gün ərzində sünü nəfəs aparatından istifadə edən xəstələrin sayı azalıb, reanimasiyaya daha az adam daxil olub, eyni zamanda xəstəxanaya yerləşdirilənlərin sayında da azalma var”.