“Opel”dən və “KİA”dan oğurluq edən şəxslər saxlanılıblar - Sabunçuda

Bakının Sabunçu rayonu ərazisində iki avtomobildən oğurluq edilib. Daxili İşlər Nazirliyinin Mətbuat Xidmətindən Avtosfer.az-a verilən məlumata görə, Sabunçu RPİ 13-cü PB əməkdaşlarının keçirdikləri əməliyyat tədbirləri nəticəsində martın 23-də rayon ərazisində Bakı şəhər sakini olan bir qadına məxsus “Opel” markalı  avtomobildən 2 ədəd mobil telefon, habelə içərisində 370 manat pul və qızıl əşyalar olan çantanı və əcnəbi vətəndaşa məxsus “KİA” markalı avtomobildən 180 manat pul oğurlamaqda şübhəli bilinən paytaxt sakinləri, əvvəllər məhkum olunmuş  H.Güliyev və İ.Quliyev saxlanılıblar.

Namiq Musayev