Pakistanda ən işlək magistral küçəyə Ərdoğanın adı veriləcək - FOTO

Pakistan hökuməti İslamabadda magistral küçələrdən birini Türkiyə Prezidenti Rəcəb Tayyib Ərdoğanın şərəfinə adlandırmağı planlaşdırır.

Avtosfer.az-ın Oxu.az-a istinadən məlumatına görə, bu barədə "Anadolu" agentliyi öz mənbələrinə istinadən xəbər verib.

Bildirilib ki, qərar Ərdoğanın rəhbərliyi ilə Türkiyə hökumət nümayəndə heyətinin bu gün Pakistana səfəri çərçivəsində qəbul edilib.

"F-8 yol qovşağı da daxil olmaqla, avtomagistralın ən işlək hissələrindən biri Ərdoğanın şərəfinə adlandırılacaq", - deyə mənbədən vurğulanıb.

Qeyd edək ki, Türkiyə və Pakistan uzun dostluq və əməkdaşlıq tarixinə malikdir. Ölkələr beynəlxalq arenada bir-birinə dəstək verir, iqtisadi və mədəni əlaqələri inkişaf etdirirlər.