Paşinyan istefaya göndərdiyi generala vəzifə verdi

Ermənistan silahlı qüvvələrinin keçmiş Baş Qərargah rəisi Artak Davtyan Hərbi-Sənaye Komitəsinin rəhbəri təyin edilib. Baş nazir Nikol Paşinyan bununla bağlı müvafiq qərar imzalayıb.

Qeyd edək ki, iyunun əvvəlində Davtyan Baş Qərargah rəisi vəzifəsindən istefa verib. Buna səbəb kimi iyunun 7-də fövqəladə vəziyyət şəraitində oğluna 100-dən çox qonağın iştirakı ilə toy etməsi göstərilib. Yeri gəlmişkən, həmin hadisə cəmiyyətdə böyük etiraz doğurmuşdu. Onun məhz etirazlara cavab olaraq istefa verdiyi ehtimal edilirdi.

Xatırladaq ki, Davtyanın yerinə Onik Qasparyan təyin olunub. (Virtualaz.org)