Paytaxda itkin düşmüş 3 nəfər tapılaraq ailəsinə təhvil verilib

Bakının polis orqanları tərəfindən qeydə alınan cinayət və hadisələrin statistic məlumatları açıqlanıb. Bakı şəhər Baş Polis İdarəsinin Mətbuat Xidmətindən Avtosfer.az-a verilən məlumata görə, fevralın 29-dan martın 2-dək paytaxtda keçirilən əməliyyat-axtarış tədbirləri nəticəsində 29 cinayətin üstü açılıb, onlardan 6-sı əvvəlki dövrlərdən bağlı olan cinayətlər olub. Xuliqanlıq üzrə 6, narkotiklərlə əlaqəli 6, baş vermiş oğurluq hadisələri ilə əlaqədar, daha 10 faktın açılması tədbirlərlə təmin olunub. Cinayət Məcəlləsinin müxtəlif maddələri və borca görə axtarışda olduğuna görə ümumilikdə 6 nəfər saxlanılıb. İtkin düşmüş kimi axtarışı elan olunan 3 nəfər tapılaraq ailəsinə təhvil verilib.

Namiq Musayev