Oxuculardan biri yolda qarşılaşdığı çətinliklə bağlı redaksiyamızın elektron ünvanına müraciət edib. Avtosfer.az xəbər verir ki, videogörüntü paytaxtın Zərifə Əliyeva küçəsində qeydə alınıb. Belə ki, 01-CH-092 qeydiyyat nişanlı "Mercedes" markalı avtomobilin sürücüsü yolayrıcına 5 metrdən yaxın dayanaraq pandusun qarşısını kəsib. Piyadalar hərəkət hissəsinin kəsişmə yerini keçmək üçün maneə ilə üzləşiblər.
Digər problem də məhz sözügedən küçədədir. Səkiyə əkilmiş ardıcıl ağacalar piyadaların gediş-gəlişini çətinləşdirir. Oxucu aidiyyəti qurumlardan köməklik göstərilməsini xahiş edir.

Leyla