Pekində koronavirus testindən keçənlərin sayı artıb

Pekində “Xinfadi” topdansatış bazarında iyunun 13-dən koronavirusa yoluxmanın kəskin artmasından sonrakı dövrdə paytaxtda 2,3 milyonadək sakin virusa qarşı nukleik turşu testindən keçirilib. Bu barədə Çin Kommunist Partiyasının Pekin Bələdiyyə Komitəsinin təbliğat şöbəsinin müdir müavini Janq Çian bildirib. Hökumətin açıqladığına görə, paytaxtda 40 yaşayış kompleksi bağlanaraq sakinlərin evdən çıxmasına qadağa qoyulub. Həmçinin şəhərdə gündəlik keçirilən testlərin sayı 8 mindən 500 minədək artırılıb. (“Report”)