Pilot koronavirusa yoluxan sərnişinə görə təyyarədən tullandı

Hindistanda “AirAsia India” aviaşirkətinə məxsus təyyarənin pilotu, bortda koronavirusa yoluxan sərnişinin olduğunu öyrəndikdən sonra kabinənin ön pəncərəsindən atlayıb. Avtosfer.az xəbər verir ki, insident  martın 20-də Dehli hava limanında qeydə alınıb. Bu barədə “Khabarhub” nəşri məlumat yayıb.

Məlumata görə, göyərtədə sərnişinlər arasında, birinci sırada əyləşmiş bir səyahətçinin pandemiyaya tutulması təşvişə səbəb olub.

Bundan sonra dərhal sərnişinlər təyyarənin quyruq hissəsində yerləşən qəza çıxışından təxliyə ediliblər, ekipaj üzvləri isə pilotların kabinəsindən tullanıblar.

Aviaşirkətdən bildirilib ki, kapitan isə evakuasiya üçün ön pəncərəni seçib. O, trapdan istifadə edib.

Daha sonra sərnişinlər və ekipaj üzvləri karantinə yerləşdiriliblər.

Təşvişə səbəb olan sərnişinin koronavirus testinin nəticələri isə mənfi olub.

Namiq Musayev