Postu meşə yolu ilə keçib yoluna “Mersedes”lə davam edən şəxs saxlanılıb - FOTO

Zaqatala Rayon Polis Şöbəsinin əməkdaşları tərəfindən müəyyən edilən müddətə qədər karantin rejimi qaydalarının təmin olunması məqsədilə tədbirlər davam etdirilir. Daxili İşlər Nazirliyinin Mətbuat Xidmətinin Şəki regional qrupundan Avtosfer.az-a verilən məlumata görə, Zaqatala və Qax rayonları arasında yaradılan postda “Mersedes” markalı yük avtomobili saxlanılıb. Yoxlanış zamanı sürücü, Ağdam rayon sakini Aqil Hətəmovun hərəkəti üçün icazəsi olsa da, ancaq sərnişin qismində əyləşən Tərtər rayon sakini Paşa Məmmədovun hər hansı bir icazəsinin olmadığı müəyyən olunub. Avtomobildən düşürülən P.Məmmədov oradan meşə yolu ilə qaçaraq postu keçməyə və bir qədər aralıda onu gözləyən gəldiyi yük avtomobilinə əyləşməyə cəhd edib. Ancaq polislərin çevikliyi nəticəsində o, və yük avtomobilinin sürücüsü saxlanılaraq Polis Şöbəsinə gətiriliblər.  Karantin rejimi qaydalarını pozduqları üçün onların  barəsində qanunauyğun tədbirlər görülüb.

Namiq Musayev