Qadına qarşı soyğunçuluq edilib - Yasamalda

Bakıda qadına qarşı soyğunçuluq edilib. DİN Mətbuat Xidmətindən Avtosfer.az-a verilən məlumata görə, hadisə paytaxtın Yasamal rayonu, F. İbrahimbəyov küçəsində qeydə alınıb.

Məlumata görə, naməlum şəxslər E.Qasımovaya xəsarət yetirərək, içərisində qızıl və mobil telefonu olan çantasını alıb qaçıblar. Keçirilən əməliyyat-axtarış tədbirləri nəticəsində hadisəni törətməkdə şübhəli bilinən şəxslərdən biri - əvvəllər məhkum olunmuş Ə.Məmmədov saxlanılıb. Digər şəxsin də kimliyi müəyyənləşdirilib.

Araşdırma aparılır.

Namiq Musayev