Qadını öldürüb kanala atan şəxs həbs olundu

Gündəm 28 May 2020 15:41 Oxunub 1180
Qadını öldürüb kanala atan şəxs həbs olundu
WhatsApp kanalımıza abunə ola bilərsiniz
Faktla bağlı cinayət işi başlanıb

Salyan rayonunun Yenikənd kəndi ərazisindən keçən su kanalından 45-50 yaşlı qadın meyiti tapılıb. Daxili İşlər Nazirliyinin (DİN) Mətbuat Xidmətindən verilən məlumata görə, mayın 26-da tapılan meyitin baş nahiyəsində küt alətlə yetirilən xəsarət olub.

Bu barədə daxil olmuş məlumatla əlaqədar dərhal polis və prokurorluq orqanlarının əməkdaşları tərəfindən müvafiq tədbirlər həyata keçirilib.

Faktla bağlı Cinayət Məcəlləsinin 120-ci (qəsdən adamöldürmə) maddəsi ilə cinayət işi başlanıb.

Araşdırmalarla meyitin Saatlı rayon sakini Şəhla İbrahimova olması müəyyən edilib.

Polis və prokurorluq orqanları əməkdaşlarının birgə keçirdikləri təxirəsalınmaz istintaq və əməliyyat-axtarış tədbirləri nəticəsində qətli törətməkdə şübhəli bilinən Yenikənd kənd sakini, əvvəllər məhkum olunmuş R.Dadaşov tutulub.

 

Namiq Musayev

ŞƏRH YAZ
Ad

E-mail

Şərh