Qaldırıcı kran yaşayış evlərinin üzərinə aşdı; 4 nəfər xəsarət aldı

İngiltərədə qaldırıcı kranın iki yaşayış evinin üzərinə aşması nəticəsində 4 nəfər xəsarət alıb. Avtosfer.az xəbər verir ki, insident iyulun 8-də Londonun şərqində baş verib. Bu barədə Skotlend-Yard Mətbuat Xidmətinin məlumatında deyilib.

Bildirilir ki, təxminən saat 14:39 radələrində polisə, “Qeyl-strit” küçəsindəki tikinti ərazisində kranın yaşayış evlərinin üzərinə aşması ilə bağlı məlumat daxil olub. Bundan sonra polis əməkdaşları hadisə yerinə gediblər.

Məlumata görə, hazırkı vaxta qədər 4 yaralı xəstəxanaya çatdırılıb. 

Qəza yerinə xilasetmə xidmətinin əməkdaşları cəlb edilib.

Digər təfərrüatlar barədə məlumat verilmir.

Namiq Musayev