Qardan sonra avtobuslarda yaranan natəmizlik - VİDEO

Qarlı-yağışlı qış günlərində sərnişin avtobuslarının nəinki salonu, heç pənəcərələri belə təmizlənmir. Etiraf edək ki, bu mənzərə son illərdə bir-birindən yaraşıqlı binalar inşa olunan, küçələr, yollar salınan Bakı ilə əməlli-başlı təzad təşkil edir. Sürücülər isə həmişəki kimi bəhanə gətirirlər. Avtosfer.az atv.az-a istinadən xəbər verir ki, ekspert deyir ki, yaranmış durum ilk növbədə sanitar gigiyenik tələbin pozulmasıdır və belə hallara qarşı konkret məsuliyyət nəzərdə tutulur. Nəqliyyat nazirliyinədn isə bildirdilər ki, belə hallara qarşı mütəmadi olaraq tədbir görülür. Hətta nəqliyyat vasitəsini çirkli şəkildə idarə olunmasına görə, sürücülər məsuliyyətə cəlb olunur. Amma görünən odur ki, nədənsə nazirliyin bu tədbirləri effekt vermir. Ən azı bu günlərdə biz belə bir faktın şahidi olmadıq.