Qazaxda sosial məsafənin təmin olunmasına nəzarəti gücləndirib - FOTO

Karantin rejiminin qaydalarına riayət etmək məqsədilə Qazax Rayon Polis Şöbəsinin əməkdaşları rayon ərazisində insanların sıx toplaşdığı bank, poçt məntəqələrinin və digər idarələrin qarşısında sosial məsafənin təmin olunmasına nəzarəti gücləndirib.

Daxili İşlər Nazirliyinin mətbuat xidmətindən Avtosfer.az-a verilən məlumata görə, asayiş keşikçiləri ictimai nəqliyyat vasitələrində eləcədə əhalinin daha çox üz tutduğu digər ərazilərdə təbliğat xarakterli söhbətlər aparıb.

Polis əməkdaşları tərəfindən vətəndaşlara evdən çıxarkən tibbi maskadan mütləq qaydada istifadə etmələri barədə məlumat verilir, sağlamlıqlarının qorunması üçün insanlarla təmas zamanı 2 metrlik ara məsafəsini saxlamalarının vacibliyi izah olunur.

Əhalinin müraciət etdiyi sosial obyektlərin qarşısında ara məsafələrin qorunması təmin edilib.

Namiq Musayev