Qazaxıstanda baş vermiş atışma nəticəsində 5 nəfər xəsarət alıb

Qazaxıstanda baş verən atışma nəticəsində 5 nəfər xəsarət alıb. Avtosfer.az xəbər verir ki, insident fevralın 20-də gecə saatlarında Aktyubinsk əyalətinin Hromtau şəhərində qeydə alınıb. Bu barədə “İnterfaks” agentliyi məlumat verib.

Məlumata görə, atəş 2 ədəd kəsilmiş 16 kalibrlik ov tüfəngindən açılıb. Yaralılar, təcili tibbi yardım briqadasının köməkliyi ilə xəstəxəanaya çatdırılıb.

Bildirilir ki, gün ərzində hüquq-mühafizə orqanları əməkdaşlarının keçirdikləri əməliyyat-axtarış tədbirləri ilə 3 nəfər saxlanılıb, onlar törətdiyi əməli və hadisə zamanı istifadə etdikləri silahları Orı çayının üzərində yerləşən körpünün altında gizlətdiklərini etiraf ediblər.

Motivlər barədə isə açıqlama verilmir.

Bundan əlavə, qeyd edilir ki, cinayətkarlar Rusiya qeydiyyat nömrə nişanlı “VAZ-2114” avtomobildə olublar.

Faktla bağlı “ölümə cəhd” maddəsi ilə cinayət işi açılıb, istintaq davam etdirilir. 

Namiq Musayev