Qəbələ Beynəlxalq Aeroportunda təlim keçirilib - FOTO

Fövqəladə Hallar Nazirliyinin Şimal-qərb Regional Mərkəzi tərəfindən Qəbələ Beynəlxalq Aeroportunda “Hava limanında mümkün fövqəladə hadisələr zamanı fəaliyyət” mövzusunda təlim keçirilib.
Nazirliyin Mətbuat xidmətindən Avtosfer.az-a verilən xəbərə görə, təlim Qəbələ Beynəlxalq Aeroportunda həyata keçirilən müvafiq təhlükəsizlik tədbirlərinin səmərəliliyinin artırılması, fövqəladə hallar zamanı struktur bölmələrin qarşısına qoyulan tapşırıqların operativ həll edilməsi və bu istiqamətdə şəxsi heyətin praktiki vərdişlərinin artırılması, eləcə də qəza-xilasetmə işləri üzrə dövlət qurumları arasında qarşılıqlı fəaliyyətin daha da gücləndirilməsi məqsədilə təşkil olunub.
Təlimdə şərti olaraq cari texniki təmir işləri aparılan zaman anidən yaranmış yanğın hadisəsinin baş verməsi, həmçinin hava limanının sərnişin gözləmə zalında şərti yanğın məlumatına əsasən həyata keçirilən yanğın-xilasetmə əməliyyatı simulyasiya edilib.
Belə ki, təlim zamanı hadisə yerinə Fövqəladə Hallar Nazirliyinin qüvvə və vasitələri cəlb olunaraq hava gəmisində və gözləmə zalında baş vermiş şərti yanğının operativ “söndürülməsi”, eləcə də “zərəşəkmişlərin” xilas edilərək hava limanının tibb personalına təhvil verilməsi üzrə tapşırıqlar yerinə yetirilib.
Təlimə ümumilikdə 46 nəfərdən ibarət şəxsi heyət və 9 ədəd texnika cəlb edilib.
Uğurla keçən təlimdən sonra əldə edilmiş nəticələr təhlil olunub, müvafiq tapşırıqlar verilib.
Bu yollarda tıxac var - Sürücülərin NƏZƏRİNƏ!
İlham Əliyev Gürcüstanın baş nazirinin müavinini qəbul edib - FOTO
“Bədr müqaviləsi” ABŞ-ın hərbi sənaye bazarındakı mövqelərini zəiflədə bilər – POLİTOLOQ
Prezident Özbəkistanla iki sənədi təsdiqlədi
Dumanlı havada bu işıqları yandırmaq təhlükəlidir – XƏBƏRDARLIQ
Dağ yollarında avtobuslara məhdudiyyət qoyulmalıdırmı? – EKSPERT AÇIQLADI
Bakının bir sıra yollarında tıxac yarandı
Tramp, Putin və Su Cinpin Çində görüşəcək; nələr müzakirə ediləcək? - POLİTOLOQ
Ağac avtomobilin və ya evin üzərinə aşanda zərəri kim ödəyəcək? – EKSPERTDƏN AÇIQLAMA
Küləkli havada sürücülər nələrə diqqət etməlidir? – MÜTƏXƏSSİS
Küləkdə ölüm və xəsarət olmaması üçün nə edək? – AÇIQLAMA


















