“Nikosayağı”nın avtoqəzadan sonra pulqabısı və telefonları oğurlanıb? - DİN-dən AÇIQLAMA - YENİLƏNİB

Daxili İşlər Nazirliyi (DİN) gecə saatlarında “Nikosayağı” adı ilə tanınan bloqer Nicat Şakirlinin paytaxtın Nizami rayonu ərazisində törətdiyi yol-nəqliyyat hadisəsi zamanı pulqabısı və telefonlarının oğurlanması barədə yayılan məsələyə münasibət bildirib.

DİN-in Mətbuat Xidmətindən Avtosfer.az-ın sorğusuna cavab olaraq bildirilib ki, bloqerin pulqabısı və telefonlarının oğurlanması barədə quruma heç bir müraciət daxil olmayıb.

***

Xəbər verdiyimiz kimi, ötən axşam “Nikosayağı” adı ilə tanınan bloger Nicat Şakirli ağır qəzaya düşüb. 

Avtosfer.az xəbər verir ki, bloger Ramal İsayev sosial şəbəkə hesabında post paylaşaraq, qəzadan sonra Nicatın pul kisəsinin və mobil telefonlarının oğurlandığını yazıb. 

“Dünən axşam o vəziyyətdə Nicatın telefonlarını və pul qabısını oğurlayıblar”, - deyə Ramal bildirib. 

Qeyd edək ki, Nicatın idarə etdiyi “Porsche” markalı avtomobil TIR-a çırpılıb. Qəza nəticəsində dərhal xəstəxanaya çatdırılan blogerin sağ yuxarı ətrafın dirsəkdən amputasiyası edilib. 

Bizim.Media