Qəzaya düşən baş məşqçinin vəziyyəti necədir? - AÇIQLAMA

Xəbər verdiyimiz kimi, bu gün “Mingəçevir” futbol komandası I divizionun 20-ci turu çərçivəsində “Şamaxı” ilə səfər oyununa gedərkən yolda avtomobil qəzasına uğrayıb.

Qəza nəticəsində komandanın idman direktoru Zaur Qarayev xəsarət alıb. O, xəstəxanaya yerləşdirilib. Hadisə zamanı avtobusda 20 futbolçu olub, onların sağlıq durumunda problem olmadığı bildirilir.

Klubun mətbuat xidmətinin rəhbəri Elnur Qasımov Avtosfer.az-a açıqlamasında bildirib ki, hazırda komanda Mingəçevirə qayıdır. Onun sözlərinə görə, Zaur Qarayevin həyati təhlükəsi yoxdur.

"İdman direktorunun vəziyyəti yaxşıdır. Komandamız Mingəçevirə qayıdır. Futbolçular arasında xəsarət alan olmayıb. Məndə olan məlumata görə, Zaur Qarayevin ciddi xəsarəti yoxdur", - deyə klub rəsmisi vurğulayıb.