Qırğızda bir gündə 1,1 mindən çox insan koronavirusa yoluxub

Qırğız Respublikasında son sutka ərzində 1 108 yeni növ koronavirusa yoluxma halı aşkar edilib. Bu barədə ölkənin koronavirusa qarşı mübarizə qərargahından məlumat verilib.

Qeyd olunub ki, son gündə yoluxma sayında kəskin artım müşahidə olunub və ümumi COVID-19 xəstələrinin sayı 28 251 nəfərə çatıb.

Eyni zamanda son gündə ölkədə 42 nəfər virusun qurbanı olub. Bununla Qırğız Respublikasında COVID-19-un həyatına son qoyduğu insanların sayı 1 079-a çatıb. (“Report”)