Qırğızıstanda koronavirusa yoluxanların sayı 1520 nəfərə çatıb

Qırğızıstanda koronavirusa yoluxanların sayı 1520 nəfərdir, bunun 299-u tibb işçiləridir. Bu haqda Qırğızıstanın Səhiyyə nazirinin müavini Norbolot Usenbayev Bişkekdə keçirdiyi brifinqdə bildirib. Nazir müavini deyib ki, indiyədək bu virusa yoluxan 1043 xəstə sağalıb, 16 nəfər ölüb.

O bildirib ki, hazırda xəstəxanalarda 461 pasiyent müalicə edilir, bunların 9-nun vəziyyəti ağır qiymətləndirilir, 4-ü reanimasiya şöbəsindədir. (Azərtac)