Qubada selin uçurduğu körpünün yerində yenisi inşa olunub

Qubada güclü sel nəticəsində uçulan Şabrançay üzərindəki körpü bərpa olunub. Rayonun Çayqışlaq kəndində avtomobil körpüsü sakinlərin istifadəsinə verilib.

Burada selin uçurduğu 12 metr uzunluğundakı körpünün yerində yenisi inşa olunub. İkiaşırımlı yeni körpü əvvəlkindən iki dəfə böyük (24 metr) və daha möhkəmdir.

Azərbaycan Avtomobil Yolları Dövlət Agentliyinin Qubadakı 6 saylı Yol İstismar idarəsi tərəfindən inşa olunan körpü vətəndaşların rahat və təhlükəsiz hərəkətini təmin edəcək. (Azərtac)