Rayon polis idarəsinin avtomobili partladıldı; 4 ölü, 4 yaralı

Əfqanıstanda rayon polis idarəsinin avtomobili partladılıb. Avtosfer.az xəbər verir ki, insident Paktiya əyalətində qeydə alınıb. Bu barədə “TASS” agentliyi məlumat yayıb.

Agentliyin məlumatına görə, terrorçuların yol kənarına quraşdırdıqları minanın işə düşməsi nəticəsində rayon polis idarəsinin rəisinin olduğu avtomobil partlayıb.

Hadisə nəticədə idarə rəisi və 3 mühafizəçi həlak olub, daha 4-ü isə xəsarət alıb.

Partlayışı hələlik bölgədə fəaliyyət göstərən heç bir silahlı qruplaşma öz üzərinə götürməyib.

Namiq Musayev