Respublika ərazisində 8274 təbii və texnogen mənşəli hadisə baş verib

Gündəm 7 Avqust 2020 21:22 Oxunub 938
Respublika ərazisində 8274 təbii və texnogen mənşəli hadisə baş verib
WhatsApp kanalımıza abunə ola bilərsiniz

Fövqəladə Hallar Nazirliyi (FHN) bu ilin altı ayında respublika ərazisində baş vermiş təbii və texnogen mənşəli hadisələrə dair statistik məlumatı açıqlayıb.

FHN-dən Avtosfer.az-a verilən məlumata görə, 2020-ci ilin birinci yarısında respublika ərazisində 8274 təbii və texnogen mənşəli hadisə baş verib. Bu da 2019-cu ilin birinci yarısı ilə müqayisədə 1133 hadisə və ya 16 faiz çoxdur. Baş vermiş təbii və texnogen mənşəli hadisələr nəticəsində 28 nəfər həlak olub, 107 nəfər xəsarət alıb. Nazirliyin xilasediciləri tərəfindən 13 nəfər xilas edilib, 299 nəfər təxliyə olunub.

Bu ilin birinci yarısında respublika ərazisində 98 təbii mənşəli hadisə qeydə alınıb. Hesabat dövründə respublika ərazisində 8176 texnogen mənşəli hadisə qeydə alınıb. Bu da 2019-cu ilin birinci yarısı ilə müqayisədə 1126 hadisə və ya 16 faiz çoxdur.

Texnogen mənşəli hadisələr nəticəsində 27 nəfər həlak olub, 107 nəfər xəsarət alıb ki, bu da ötən ilin müvafiq dövrü ilə müqayisədə həlak olanlar üzrə 20 nəfər (43 faiz), xəsarət alanlar üzrə isə 71 nəfər (40 faiz) azdır.

 

Namiq Musayev

ŞƏRH YAZ
Ad

E-mail

Şərh