Rusiyada yaşayış binasında partlayış: 2 nəfər vəfat etdi - VİDEO

Rusiyanın Çelyabinsk əyalətində 5 mərtəbəli yaşayış binasında baş verən partlayış nəticəsində 2 nəfər dünyasını dəyişib. Avtosfer.az yerli KİV-ə istinadən xəbər verir ki, insident martın 26-da axşam saatlarında Maqnitorsk şəhərində qeydə alınıb.

Məlumata görə, partlayışdan sonra yanğın baş verib. Alovlar binanın 3 mərtəbəsini əhatə edib.

Xilasedicilər 30-a yaxın insanı təxliyə ediblər.

Fövqəladə Hallar Nazirliyinin yanğından mühafizə bölmələri yanmanı aradan qaldırıblar. Əməkdaşlar hadisə yerindən iki nəfərin cəsədini aşkarlayıblar.

Bildirilir ki, partlayış qaz sızmasından baş verib. 

Hadisə ilə bağlı araşdırmalara başlanılıb.

Namiq Musayev