Sabah Bakının bir rayonunda uşaqlar məktəbə palçıqlı yolla gedəcəklər - VİDEO

Bakının Qaradağ rayonunun Qobustan qəsəbəsində acınacaqlı vəziyyət hökm sürür.

Bu barədə baku.ws-in qaynar xəttinə məlumat daxil olub.

Qəsəbənin Səbail bağ evləri adlanan ərazisindəki yollar sakinləri təngə gətirib.

Belə ki, acınacaqlı və bərbad vəziyyətdə olan yollardan nə piyadalar, nə də nəqliyyat vasitələri istifadə edə bilirlər.

Yağışlı havada palçıq gölünə çevrilən bu yolla sabah uşaqlar məktəbə gedəcəklər.

Sakinlər palçıqlı yolla yalnız uzunboğaz çəkmədə hərəkət etməyin mümkün olduğunu deyirlər.

Görüntüləri olduğu kimi təqdim edirik: