Salvadorda “Amanda” tropik qasırğası 11 can aldı

Salvadorda “Amanda” tropik qasırğasının səbəb olduğu leysan və torpaq sürüşməsi nəticəsində 11 nəfər həlak olub. Avtosfer.az xəbər verir ki, hadisənin baş verdiyi ərazilərdən 100-dən çox insan təxliyə edilib. Bu barədə “Salvador” nəşri məlumat yayıb.

Nəşrin məlumatına görə, təbii fəlakət zamanı 900-ə yaxın ailə öz evini itirib. Ziyanı ən çox paytaxtda yaşayan əhali çəkib.

Həmçinin 34 torpaq sürüşməsi də qeydə alınıb. Çox sayda ağac da aşıb.

Prezident Naibu Bukele ölkədə fövqəladə vəziyyət rejimini tətbiq edib.

Namiq Musayev