Salyanda “Mitsubshi”dən heroin aşkarlanıb

Salyan rayonu ərazisində avtomobildən heroin aşkarlanıb. Daxili İşlər Nazirliyinin Mətbuat Xidmətindən Avtosfer.az-a verilən məlumata görə, Baş Narkotiklərlə Mübarizə İdarəsinin Cənub Bölgəsində Regional Şöbəsi əməkdaşlarının daxil olmuş məlumat əsasında Salyan rayonu ərazisində keçirdikləri əməliyyat-axtarış tədbirləri nəticəsində Bakı şəhər sakini S.Babayevin idarə etdiyi “Mitsubshi” markalı avtomobilin salonundan 2 kiloqramdan artıq heroin aşkar edilərək götürülüb. Sürücü və sərnişini, Naxçıvan şəhər sakini, əvvəllər məhkum olunmuş V.Babayev polis əməkdaşları tərəfindən saxlanılıb.

Namiq Musayev