Samuxda minik avtomobili TIR-la toqquşub, ölən var

Samux rayonunda ölümlə nəticələnən avtomobil qəzası baş verib.

Avtosfer.az "Report"un Qərb Mərkəzinə istinadən məlumatına görə, hadisə rayonun Qırmızı Samux kənd ərazisində qeydə alınıb.

Belə ki, "VAZ-21011" markalı avtomobillə TIR toqquşub. Nəticədə minik avtomobili deformasiyaya uğrayıb, ölən şəxsin meyitini çıxarmaq üçün hadisə yerinə Fövqəladə Hallar Nazirliyinin əməkdaşları cəlb olunub.

Faktla bağlı araşdırma aparılır.

Gültən