Şəhərin mərkəzində silahlı insident; 4 ölü, 3 ağır yaralı

ABŞ-ın Nyu-Cersi ştatında baş verən silahlı atışma nəticəsində azı 4 nəfər ölüb. Avtosfer.az xəbər verir ki, hadisə iyulun 7-də axşam saatlarında Paterson şəhərində qeydə alınıb. Bu barədə iyulun 8-də “NBC” telekanalı şəhər merinə istinadən məlumat yayıb.

Bildirilir ki, insident zamanı 2 nəfər hadisə yerində, 2-si isə xəstəxanada dünyasını dəyişib. Daha 3 yaralı ağır vəziyyətdə xəstəxanaya yerləşdirilib.

Şəhər merinin sözlərinə görə, atışmanın iki cinayətkar qruplaşma arasında yaşandığı ehtimal edilir.  Hazırda istintaq əməliyyat tədbirləri həyata keçirilir.

Polis şübhəlilərin axtarışlarına başlayıb.

Namiq Musayev