Şəhid polkovnikin oğlu: “4 gün qabaq atamla telefonda danışdıq” - VİDEO

“Mən ilk növbədə atamın arzusunu yerinə yetirəcəyəm”

“Atamın da, mənim də istəyim hüquq mühafizə orqanlarında çalışmaq idi. 4 gün bundan qabaq atamla telefonda danışdım. Gələcəklə bağlı planlarımız barədə söhbət etdik”.

AVtosfer.az xəbər verir ki, bu sözləri AzTV-nin  “Çıxışa doğru” verilişinin qonağı olarkən şəhid polkovnik İlqar Mirzəyevin oğlu Elvin Mirzəyev deyib. O, bildirib ki, atasının arzusu onu hərbçi kimi yox, daha çox hüquq-mühafizə orqanlarında əməkdaş kimi görmək olub: “Mənim özüm də bunu istəyirdim. Mən hərbçi ailəsində böyümüşəm. Atamdan nümunə götürərək hüquq-mühafizə orqanlarında olmaq, bu sahədə çalışmaq arzusunda olmuşam. Mən ilk növbədə atamın arzusunu yerinə yetirəcəyəm”.

Qeyd edək ki, Azərbaycan Ordusunun polkovniki İlqar Mirzəyev iyulun 14-də Ermənistan silahlı qüvvələrinin Tovuz istiqamətində törətdiyi hərbi təxribatın qarşısını alarkən qəhrəmancasına şəhid olub. Şəhid polkovnik iyulun 15-də Bakıda İkinci Fəxri xiyabanda dəfn olunub.