General Səhlab Bağırov yeni yaradılan mərkəzin rəisi oldu

Xəbər verdiyimiz kimi, Daxili İşlər Nazirliyinin Çevik Polis Alayının komandiri general-mayor Səhlab Bağırov vəzifəsindən azad olunub.

Avtosfer.az-ın məlumatına görə, artıq generalın yeni vəzifəsi də müəyyənləşib. Belə ki, Səhlab Bağırov daxili işlər naziri Vilayət Eyvazovun əmri ilə DİN Baş İctimai Təhlükəsizlik İdarəsinin Xüsusi Təyinatlı Təlim Mərkəzinin rəisi vəzifəsinə təyinat alıb.

Məlumat üçün bildirək ki, sözügedən qurum DİN sistemində yeni yaradılıb.

Artıq S.Bağırov vəzifəsinin icrasına başlayıb.

Qafqazinfo