Bakıda intihara cəhdin qarşısı belə alındı - VİDEO - YENİLƏNİB

Bu gün günorta saatlarında Bakı şəhərinin Nəsimi rayonu ərazisində 1 nəfər 3 mərtəbəli binanın 3-cü mərtəbəsinin pəncərəsinə çıxaraq intihar etmək istəyini nümayiş etdirib.

Bununla əlaqədar dərhal FHN-in “112” qaynar telefon xəttinə məlumat verilib. Qısa müddət sonra əraziyə Xüsusi Riskli Xilasetmə Xidmətinin xilasediciləri cəlb olunub.

Xilasedicilər tərəfindən vətəndaşla yaxın məsafədən müvafiq psixoloji söhbətlər aparılıb.  Eyni zamanda binanın həyətində xilasetmə yastığı açmaqla, zəruri təhlükəsizlik tədbirləri görülüb.

Öncədən həyata keçirilmiş təhlükəsizlik tədbirləri nəticəsində intihara cəhd edən şəxs 1978-ci il təvəllüdlü Ə.B. qurulmuş təhlükəsizlik döşəyi vasitəsilə xilasedicilər tərəfindən xilas edilərək təcili tibbi yardım briqadasına təhvil verilib.

***

Bakıda intihara cəhd hadisəsi baş verib. Avtosfer.az xəbər verir ki, hadisə paytaxtın Lev Tolstoy küçəsilə Qoqol küçəsinin kəsişməsində baş verib. Hadisə şahidlərinin sözlərinə görə, orta yaşlı şəxs binanın 3-cü mərtəbəsinin fasadından yapışaraq mənzildə olan digər bir  şəxslə mübahisə edir. Verilən məlumata görə o, intihara cəhd etməyə çalışır.

Fərid