Sumqayıtda yeni istehsal xətti yaradıldı

Sumqayıt Kimya Sənaye Parkında yeni istehsal xətti yaradılıb.

Avtosfer.az xəbər verir ki, bu barədə İqtisadiyyat Nazirliyi məlumat yayıb. Bildirilib ki, quraşdırılan avadanlıq iki və üçkameralı, həmçinin “skylight” paket şüşələrin istehsalında istifadə olunur. Parkın ərazisində İtaliya, Çin və Türkiyə texnologiyası əsasında şüşə məmulatların istehsalı həyata keçirilir. İstehsalın illik həcmi 250-280 min m² şüşə təşkil edir ki, burada 5 növdə və müxtəlif rənglərdə 1 000 çeşiddən çox məhsul emal edilir. İstehsal olunan məhsullar daxili bazarın təlabatının ödənilməsinə yönəldilib. Layihənin investisiya dəyəri 5,4 milyon manat təşkil edir. Məhsullar işğaldan azad olunan ərazilərdə həyata keçirilən yenidənqurma işlərində istifadə edilir.