Suraxanıda şok hadisə; küçədə qadını belə qarət etdilər – FOTO + VİDEO
Gündəm
5 May 2020 10:15
Oxunub 868
Faktla bağlı əməliyyat-istintaq tədbirləri davam etdirilir
Bakının Suraxanı rayonunda qadın küçədə qarət edilib. Avtosfer.az-ın məlumatına görə, hadisə Əmircan qəsəbəsi, A.Rzayev küçəsində baş verib. Qəsəbə sakini olan qadın naməlum şəxsin onun mobil telefonunu alaraq qaçması barədə polisə məlumat verib. Suraxanı rayon Polis İdarəsinin Cinayət Axtarış Şöbəsi və 31-ci Polis Bölməsinin əməkdaşları tərəfindən soyğunçuluq törətməkdə şübhəli bilinən, əvvəllər Cinayət Məcəlləsinin 177-ci (oğurluq) maddəsi ilə məhkum olunmuş, 1972-ci il təvəllüdlü Elman Abidov müəyyən olunub.
Suraxanı Rayon Polis İdarəsinin Post Patrul Xidmətinin əməkdaşların tərəfindən dünən axşam saatlarında keçirilən müvafiq tədbirlərlə onun gizləndiyi yer müəyyən olunaraq 31-ci Polis Bölməsinə təhvil verilib.
Faktla bağlı başlanan cinayət işi üzrə əməliyyat-axtarış, əməliyyat-istintaq tədbirləri davam etdirilir.
Namiq Musayev
ŞƏRH YAZ
DİGƏR XƏBƏRLƏR
