Sürətə görə qınanılan moped sürücüsü: “Vaxtında çatmayanda sifarişi ləğv edirlər” - VİDEO

Moped və motosiklet sürücülərinə hər yerdə rast gəlmək mümkündür. Yolun hərəkət hissəsinin solunda, ortasında, sağında, hətta piyada keçidində belə onların hərəkət etməsinin şahidi oluruq.

Moped və motosiklet sürücülərindən daha çox restoran və kafelərin sifarişlərinin çatdırılmasında istifadə edirlər.

Təəssüf ki, yüzlərlə iki təkərli nəqliyyat vasitəsini idarə edən bu şəxslər ətraf üçün bir çox hallarda təhlükə yaradırlar. Bəzi kuryerlər sifarişi daha tez ünvana çatdırmaq üçün heç bir qayda-qanuna əməl etmirlər.

Kuryerlərdən biri “REAL TV”yə açıqlamasında deyib ki, müştərinin sifarişi vaxtında çatdırılmayanda sifariş ləğv edilir. Günə 10-15 manat qazanan kuryer üçün bu vəziyyət əlavə çətinlik yaradır.

Ətraflı videomaterialı təqdim edirik: