Sürücülərə ŞAD XƏBƏR - Bakıda yeni tunel istifadəyə verildi - VİDEO

Paytaxtın Nizami rayonu, Keşlə qəsəbəsində yeni tunel istifadəyə verilib. Babək prospekti ilə Heydər Əliyev prospektini birləşdirən yol tamamilə bağlı idi. Tunelin istifadəyə verilməsi ilə iki prospekti birləşdirən əsas yol yenidən sürücülərin ixtiyarındadır. Yolda sürücülərlə yanaşı piyadaların da hərəkətinin təmin edilməsi üçün lazımı işlər görülüb.

Paytaxtın iki böyük prospektini birləşdirən əsas yol açıldı.

Söhbət Babək və Heydər Əliyev prospektlərini birləşdirən Mirzə Ələkbər Sabir küçəsindən gedir. Əvvəllər burda hərəkətin təşkili dəmiryolu xəttinin üzərindən idisə, son bir neçə aydır ki, həmin yol bağlanmışdı. Artıq tunel sürücülərin istifadəsinə verilib.

Tunelin açılmağı ərazidə yaşayanlarla yanaşı sürücülərin də işini xeyli asanlaşdırıb.

Qeyd edək ki, tunel istifadəyə verilsə də işlər tam yekunlaşmayıb. Ərazidə nişanlanma işlərinin aparılması və son tamamlama işlərinin icrası həyata keçirilir.

Gültən