Sürücülərin nəzərinə! Bu prospektdə hərəkət məhdudlaşdırılacaq

Bakının Moskva prospektində üfiqi nişanlanma xətlərinin çəkilişi işləri aparılacaq. Azərbaycan Avtomobil Yolları Dövlət Agentliyindən Avtosfer.az-a verilən məlumata görə, üfiqi nişanlanma xətlərinin çəkilişi ilə əlaqədar olaraq may ayının 11-dən 12-nə keçən gecədən səhər saatlarına qədər Moskva prospektində (20 Yanvar dairəsi-“Şamaxı yolu”) hərəkət hissə-hissə qismən məhdudlaşdırılacaq. Sürücülərdən sözügedən prospekt ilə qeyd olunan saatlarda hərəkətdə olarkən diqqətli olmaları, yol hərəkəti qaydalarına riayət etmələri tövsiyyə olunur.

Namiq Musayev