Şuşada yollar qardan təmizlənir - FOTO

Şuşa şəhərində axşam saatlarından etibarən yağan qarla əlaqədar olaraq nəqliyyat vasitələrinin təhlükəsiz və fasiləsiz hərəkətini təmin etmək məqsədilə yollarda təmizlik işlərinin aparılmasına başlanılıb.

Bu barədə "Report"un Şuşaya ezam olunmuş əməkdaşı xəbər verir.

Belə ki, şəhər ərazisindəki küçə və prospektlərdə səhər saatlarından başlayaraq iş aparılır, yollar texnika vasitəsilə qardan təmizlənir.

Hazırda bu istiqamətdə işlər davam etdirilir və yollarda avtomobillərin hərəkəti üçün heç bir problem və çətinlik müşahidə olunmur.

Avtomobillərin hərəkəti normal şəkildə davam edir.