Taksi sürücüsü mübahisə etdiyi qadını avtomobildən atıb qarət etdi

Rusiyada taksi sürücüsü mübahisə etdiyi qadın sərnişini avtomobildən ataraq onu qarət edib. Avtosfer.az xəbər verir ki, hadisə paytaxt Moskvada baş verib. Bu barədə “RenTV” məlumat yayıb.

Məlumata görə, martın 9-da bir qadın taksi saxlayaraq gedəcəyi ünvanı bildirərək maşına oturub. Yolda yüksək musiqi səbəbindən sürücü ilə aralarında mübahisə yaranıb. Avtomobili kənara çəkən taksiçi, qadını salondan çıxararaq itələyib və onun başı xatırlamadığı nəyəsə dəyib. 

Bundan sonra sürücü qadının çantasını götürərək aradan çıxıb.

Zərərçəkənin sözlərinə görə, çantada bahalı telefon və böyük məbləğdə pul olub.

Faktla bağlı araşdırmalara başlanılıb.

Namiq Musayev