“Təbiəti qoruyaraq” səki zəbt edən sahibkarın əsl məqsədi nədir? - FOTO

Paytaxtda fəaliyyət göstərən bir sıra iaşə obyektlərinin sahibləri artıq öz özbaşınalıqlarına təbiətsevər donu geyindərməyə başlayıb.

Avsfer.az xəbər verir ki, Bakının Xətai rayonunda obyektlərdən biri səkini indiyə qədər təkrar olunmamış tərzdə özəlləşdirib.

Belə ki, rayonun Mehdi Mehdizadə küçəsində yerləşən “Jini Coffee” adlı obyekt binadan əlavə oalraq artırdığı terasla səkini zəbt edib. Amma bunu təbiətə zərər vurmayıbmış donu geyindirərək həyata keçirib. Fotodan da göründüyü kimi, terasın içərisində ağac hələdə obyektin içərisindədir. Təbiəti qoruyurmuş kimi davranan obyekt əslində ağacı günəş işığından, eləcə də yağış suyundan, həmçinin yarpaqlarının belə quruyub dibinə tökülməsindən məhrum edib.

Görünür, obyekt sahibinin planı, ağacı qorumaq adı altında məkanın daxilində quruduqdan sonra aidiyyəti qurumlar tərəfindən ağacın kəsilməsini təmin etməkdir.

Sakinlər aidiyyəti qurumlardan sahibkarın səki zəbtinin, eləcə də ağaca qarşı planlı davranışının qarşısının alınmasını xahiş edir.

Səfər