Ramazan bayramı ilə əlaqədar olaraq elan olunan 8 qeyri-iş günündə insanlar yaxınlarını ziyarət etməyi, bayramı birlikdə keçirməyi arzu edirlər. Ancaq TƏBİB-in infeksion xəstəliklər üzrə işçi qrupunun rəhbəri Vasif Əliyev insanları bu cür addımlardan çəkinməyə və bayramı ailələri ilə keçirməyi tövsiyyə edir. Onun sözlərinə görə, qeyri-iş günlərində insanların bir-birini ziyarət etməkdən çəkinməsi virusun yayılmaması üçün vacibdir.

Avtosfer.az-ın məlumatına görə, Vasif Əliyev qeyri-iş günlərində gigiyena qaydalarına ciddi əməl edilməsini, insanların sıx toplaşdığı yerlərdə maska taxılmasını və sosial məsafəyə diqqət olunmasını tövsiyə edir.

Qeyri-iş günlərində turizm obyektlərinə də tələbat təbii olaraq artır.

Dövlət Turizm Agentliyinin mətbuat xidmətinin rəhbəri Kənan Quluzadə bildirib ki, vətəndaşlar təmizlik məsələsinə daha çox diqqət edilən obyektlərə müraciət etsələr daha yaxşı olar.