Ticarət mərkəzində silahlı atışma; 4 nəfər yaralandı

ABŞ-ın Alabama ştatında yerləşən ticarət mərkəzlərinin birində silahlı insident baş verib. Avtosfer.az xəbər verir ki, hadisə iyulun 3-də yerli saatla 15:18-də Quver şəhərində qeydə alınıb. Bu barədə məlumat şəhər polisinin “Twitter” hesabında dərc edilib.

Məlumata görə, “Riverchase Galleria” ticarət mərkəzində baş verən atışma nəticəsində azı 4 nəfər xəsarət alıb.

Bildirilir ki, yarlılar yerli xəstəxanaya yerləşdiriliblər. Onların vəziyyəti barədə hələlik məlumat yoxdur.

Polis hadisə ilə bağlı istintaqa başlayıb.

Namiq Musayev