Tolik "AZAL"ı sərt tənqid etdi: "Aeroporta giriş-çıxış pulsuz olmalıdır" - VİDEO

Prodüser-aparıcı Tolik (Tarix Əliyev) Xəzər televiziyasında “Azərbaycan Hava Yolları”nın (AZAL) fəaliyyətini sərt tənqid edib.

Avtosfer.az Unikal.org-a istinadən xəbər verir ki, Tolik verilişdə Heydər Əliyev Beynəlxalq Aeroportuna daxil olan avtomobillərin 15 dəqiqəyə görə pul ödəməməli olduğunu bildirib:

"Hörmətli Cahangir müəllim, dünyanın hər bir yerində aeroporta giriş-çıxışın 15 dəqiqəsi pulsuzdur. Bizi taksi sürücüsü 15 manata aeroporta aparır, onun da 1 manatını oraya ödəyir. Dünyanın heç bir yerində aeroporta giriş-çıxış etmək üçün əlavə pul ödəmirlər, bu yalnız Azərbaycandadır. Taksi sürücüsü sərnişini Mərdəkan qəsəbəsindən 4 manata gətirir, onun da bir manatını hava limanına ödəniş edir. Aeroport başqa ölkə deyil, vətəndaşlara xidmət edən bir məkandır. Ən böyük qlobal problemlərdən biri də bu Aeroport məsələsidir".