Türkiyə İtaliya, Cənubi Koreya və İraqa aviareysləri dayandırır

Türkiyə yeni növ koronavirus səbəbindən İtaliya, Cənubi Koreya və İraqa aviareysləri dayandırır. Avtosfer.az-ın Trend-ə istinadən verdiyi məlumata görə, bunu ölkənin səhiyyə naziri Fahrettin Koca bildirib.

F.Koca deyib: "Koronavirus ətrafındakı vəziyyətlə bağlı elmi şuranın təklifi ilə biz daha bir tədbir həyata keçirdik. Bu gecədən Türkiyə və İtaliya, Cənubi Koreya və İraq arasında bütün gəliş və gediş uçuşları dayandırılır".

Xatırladaq ki, Türkiyə daha əvvəl Çinə və İrana aviareysləri dayandırıb.

Qeyd edək ki, Çində yeni növ koronavirusa 79,2 min nəfər yoluxub, onlardan 2835 nəfəri ölüb, 39 mindən çoxu isə sağalıb.