Türkiyədə 11 gün sonra daha bir möcüzə... - VİDEO

Türkiyənin Kahramanmaraş şəhərində gənc qız 11 gün sonra dağıntılar altından xilas edilib.

Bu barədə məlumatı “Anadolu” agentliyi yayıb.

17 yaşlı Aleyna Ölmez zəlzələdən 248 saat sonra dağıntılar altından sağ çıxarılıb.

A.Ölmez ilk olaraq Kahramanmaraşda xəstəxanaya yerləşdirilib, daha sonra isə buradan Ankaraya göndərilib. Kahramanmaraşda gənc qızı müayinə edən həkim Cengiz Dilber Aleynanın vəziyyəti ilə bağlı bu sözləri deyib: “Bu, çox inanılmaz bir hadisədir. Orqanizmin funksiyalarının pozulmadan yaşaması bizi təəccübləndirdi. Qızın səhhəti ilə bağlı vəziyyət çox yaxşıdır. Buna baxmayaraq, travmaları var”.